SaiRose...

தேடிச்சோறு நிதந்தின்று
பல சின்னஞ்சிறு கதைகள் பேசி
மனம் வாடித்துன்பமிக உழன்று
பிறர்வாடப் பலச்செயல்கள் செய்து
நரை கூடிக்கிழப்பருவமெய்தி
கொடுங்கூற்றுக்கிரையெனப்பின்மாயும்
பல வேடிக்கை மனிதரைப்போலே
நானும் வீழ்வேனென்று நினைத்தாயோ?.....!


Saturday, June 23, 2012

இதுதான் காதலா?...





காதல் ஒரு மாயை;
காதல் ஒரு மயக்கம்;
காதல் ஒரு போதை;...
காதல் ஒரு புனிதம்;
காதல் ஒரு காவியம்;
காதல் ஒரு தெய்வீகம்;...
மாறுபட்ட கருத்துக்களானாலும்
மைவிழி, மான்விழி, மலர்விழி என்று
விதவிதமான விழிகளில் மோதி
ரகரகமாய் மலருகின்ற காதலில்
வசந்தங்கள் மட்டுமின்றி
வலிகளும் கொட்டிக்கிடப்பது
புரிந்து கொள்ளும் நேரம் வருகையில்
புனிதமும் புதிராகிப்போகும்!
தனக்கானவனாய் எண்ணி
எனக்காக ஏங்கியவளை ஒதுக்கி
எனக்கான தேவதையாய்
எவளுக்கெல்லாமோ அலைந்திருக்கிறேன்...
கனவுகளின் கால்பிடித்து
கால் கடுக்கத்திரிந்திருக்கிறேன்...

கனவுகளில் கட்டுண்ட
ஒவ்வொரு நாட்பொழுதிலும்
கண்களில் பட்டாம்பூச்சிகளும்
இதயத்தில் கோடி மலர்களும்
இயல்பாய் இடம்பிடித்தது
காதலுக்கான ஆச்சர்யம்தான்!
எனக்காக ஏங்கியவளும்
வாழ்க்கைப்பாதையில் மாறிப்போய்
கனவுகளும் கைக்கெட்டாமல்
நிஜம் என்னைத் தொட்டபோதுதான்
உதாசீனம் என்ற வலியை
என்னுள் நானே உணர்ந்த தருணம்...
வலிகளும் வேதனைகளும்
எதிராளிக்கும் உண்டெனும்
உண்மை உறைக்கும்போதுதான்
வாழ்க்கையும் உறைக்கத்தொடங்கும்...
எல்லாம் முடிந்து
எதுவுமின்றிப்போனபின்
இப்போதுதான் புரிகிறது...
‘’காதல் என்பது
மாயையும் அல்ல
மயக்கமும் அல்ல
போதையும் அல்ல
புனிதமும் அல்ல
காவியமும் அல்ல
தெய்வீகமும் அல்ல...’’
‘’காதல் என்பது புரிதலுடனான அன்பு...
புரியாமல் செய்வோர்க்கு
வலியச்சென்று தானே
தேடிக்கொள்ளும் வம்பு!!!’’.






No comments:

Post a Comment