SaiRose...

தேடிச்சோறு நிதந்தின்று
பல சின்னஞ்சிறு கதைகள் பேசி
மனம் வாடித்துன்பமிக உழன்று
பிறர்வாடப் பலச்செயல்கள் செய்து
நரை கூடிக்கிழப்பருவமெய்தி
கொடுங்கூற்றுக்கிரையெனப்பின்மாயும்
பல வேடிக்கை மனிதரைப்போலே
நானும் வீழ்வேனென்று நினைத்தாயோ?.....!


Saturday, July 2, 2011

சுட்டுப்போட்டாலும் வராதா சுயவொழுக்கம்?...


இது நான் மட்டுமில்லை. பெரும்பாலானவங்க அனுபவிச்சு ஆதங்கப்படுற விஷயம். நாம ஒவ்வொருத்தருமே நம்ம வாழ்க்கைல அன்றாடம் இதெல்லாம் பாத்தாலும் மனவருத்தத்தோடயே வாழப்பழகிட்டோம். கொஞ்சபேரு ‘’நிர்வாண நகரத்தில கோமணம் கட்டுறவன் பைத்தியக்காரன்’’னு தாங்களும் அதுமாதிரியே திரிய ஆரம்பிச்சதுதான் கொடுமையிலும் கொடுமை! அப்பிடி என்னதான் மேட்டருன்னு கேக்குறீங்களா?...

அதாங்க… பல வெளிநாடுகள்ல இருக்கிற… நம்ம இந்தியாவுல என்னன்னே தெரியாத சுயவொழுக்கம் பத்திதாங்க சொல்றேன்! சுயவொழுக்கம் பத்தி தெரியாதவங்களாலும், தெரிஞ்சாலும் அதைப்பத்திக் கவலைப்படாதவங்களாலும் அடுத்தவங்க படற பாடிருக்கே… யப்பப்பா… அதைப்பத்தி ஒரு புத்தகமே போடலாம்!

நம்மள்ல பலபேரும் பலவிதத்தில பல விஷயங்கள்ல சுயவொழுக்கம் இல்லாதவங்களால பாதிக்கப்பட்டுக்கிட்டேதான் இருக்கோம். அப்படி சுயவொழுக்கம் இல்லாம திரியிற சில தருதலைங்க பண்ற வேலைங்க என்னென்ன தெரியுமா?...

# துவைச்சு அயர்ன் பண்ண வெள்ளைச் சட்டையைப் போட்டுக்கிட்டு நாம டிப்டாப்பா பைக்ல ஆபீஸ் போயிட்டிருக்கும் போது, முன்னாடி போற பஸ்சுல இருந்து ஜன்னல் வழியா எவனாவது ஒரு பன்னாடை பான்பராக்கையோ, மாவாவையோ துப்புவான் பாருங்க… வெள்ளைச்சட்டை டிசைன் சட்டையா மாறுறது கூடப்பரவாயில்லீங்க… ஆனா வீட்டுக்குப்போயி வேற சட்டைய மாத்திட்டு போலாம்னா ஆபீசுக்கு டைம் ஆயிருமேன்னும், அப்பிடியே போறதுக்கு மனசில்லாமலும் நடுரோட்டுல கேவலமா நிக்கனும் பாருங்க! அடப்பாவிகளா…

# ஒவ்வொரு சிக்னல்லேயும் ரைட்டுல திரும்பவேண்டிய சில பரதேசிப்பயலுக லெஃப்ட் ஓரத்துல நின்னுட்டு சிக்னல் விழுந்ததும் நேராப்போற வண்டிங்களுக்கு வழிவிடாம மடார்னு அந்த ஓரத்துலயிருந்து இந்த ஓரத்துக்கு திரும்புவான் பாருங்க… அட முட்டாக்கூ…ங்களா (கூ-கூமுட்டை!), ரைட்டுல திரும்பனும்னா சிக்னலுக்கு கொஞ்ச தூரம் முன்னாடியே ரைட்டு டிராக் மாறிக்கனும்னு எப்போடா கத்துக்கப்போறீங்க நீங்கள்லாம்?...

# வயசுப்பசங்க ரோட்டுல பண்ற சர்க்கசைகூட ஏதோ குரங்கு வித்தையா நெனச்சி சமாளிச்சிரலாம். ஆனா இந்த ஆட்டோக்காரனுங்க அடிக்கிற கூத்திருக்கு பாருங்க… டிராபிக் ஜாம்ல மாட்டிக்கிட்டு முழிபிதுங்கிட்டு காரை ஓட்டிக்கிட்டு இருக்கும்போது கூட, சந்துக்குள்ள நுழைஞ்சி இலட்சங்களைக் கொட்டி வாங்குன காருல ஸ்கிராட்ச்ச போட்டுறுவானோன்னு நம்மள பிபியை எகிர வெப்பானுங்க பாருங்க… அனுபவிச்சவனுக்குத்தாங்க தெரியும் அந்த டார்ச்சர் என்னான்றது?!

# ஹைவேஸ்ல காரை ஓட்டிக்கிட்டு வரும்போது ‘’மெதுவாய்ப்போகிற மற்றும் கனரக வாகனங்கள் இடதுபுறமாகச் செல்லவும்’’னு வழிநெடுக போர்டு வச்சும் லெப்ட், ரைட்டுனு மாறிமாறி உங்களுக்கு வழிவிடாம போறபயலுக நேரா இருக்கிற ரோட்டுலயே உங்களை “S”பெண்டு, “Z”பெண்டுனு எல்லா டிரைவிங்கையும் பண்ண வெக்கிற கொடுமையிருக்கு பாருங்க…

# எங்கயாவது ஊருக்கு பஸ்ல போகும்போது பக்கத்தில உக்காரவனுக பண்ற அக்கப்போர் இருக்குதே… கொஞ்சபேரு லாங் & நைட் டிராவல்னா தண்ணியப்போட்டுட்டுதான் பஸ்ல காலையே வெப்பானுங்க. இவனுங்க நிம்மதியா விடிய விடிய மப்புல தூங்குவானுங்க. ஆனா இவனுங்க அக்கம் பக்கத்து சீட்டுல இருக்கிறவனெல்லாம் தண்ணியடிக்காமலேயே போதையாகிற அளவுக்கு நாத்தத்துலேயே ஊர் வந்து சேரனும்.

இன்னும் கொஞ்ச பயலுக இருக்கானுக. பஸ்ல ஏறுனதும் பக்கத்துல இருக்கிறவன் தோள்ல தூங்கி விழ ஆரம்பிச்சிருவானுங்க. விடிய விடிய நம்ம தூக்கமும் போயி தொள்வலியோடதான் வீடு வந்து சேரனும். அதேமாதிரிதான் கொஞ்சம் பொம்பளைங்க… பஸ்ல ஏறுனா வாந்தி வரும்னு தெரிஞ்சிருந்தும் வீட்டுல இருந்து கெளம்பும்போதே புல் கட்டு கட்டிட்டுதான் கெளம்புவாங்க. பஸ்லேயும் முன்னாடி சீட்டுல உக்காந்துகிட்டு ஜன்னல் வழியா இவங்க எடுக்கிற ஆஃப்பாயில் இருக்கு பாருங்க… பஸ்ல ஜன்னலோரமா உக்காந்திருக்கிற அத்தனைபேருக்கும் அபிஷேகம்தான் போங்க! ஒரு கவரைக்கொண்டு வந்து அதுல வாந்தி எடுத்திட்டு இறங்கிற இடத்துல தூக்கிப்போட்டுட்டு போலாம்னு இவங்கெல்லாம் எப்போதான் கத்துக்கப்போறாங்களோ தெரியலை…

# நம்ம பொண்டாட்டியையோ, பொண்ணையோ வெளியில கூட்டிக்கிட்டுப்போகும்போது நாம பாக்கிறோம்னு தெரிஞ்சாலும் கொஞ்சம் கூட கவலைப்படாம கண்ணுலயே கற்பழிக்கிற அளவுக்கு உத்துப்பாக்கிற ஊதாரிங்களுக்கு எப்போதான் புரியப்போகுதோ… அவங்களுக்கும் இதேமாதிரி ஒரு நெலமை வரும்ன்றது…

# நாம பைக்லயோ இல்ல கார்லயோ ஏதோவொரு ஏரியாவுக்குள்ள போகும்போது வேலைவெட்டி இல்லாம சுத்துற கூட்டத்தைச் சேர்ந்த வெறும்பய எவனாவது வண்டிக்கு வழியே விடாம எருமை மாட்டைவிட மோசமா நடந்து போவானுக. தப்பித்தவறி நாம ஹார்ன் அடிச்சிட்டோம்… அவ்வளவுதான். என்னமோ நாம ஒரு புள்ளப்பூச்சி மாதிரியும் அவன்தான் சிட்டிக்கே தாதா மாதிரியும் நம்மள முறைப்பான் பாருங்க… வர்ற ஆத்திரத்துக்கு இறங்கிப்போய் ரைய்யின்னு நாலு அப்பு அப்பலாம்னு நெனச்சாலும் நமக்குள்ளேயே அடக்கிட்டுப் போயிர்ர கொடுமையிருக்கே…

# இந்த டெரெய்ன்லப் போறதும் சும்மாயில்ல. நமக்கு அப்பர் பெர்த் கெடச்சிதுன்னா தப்பிச்சோம். ஆனா குடும்பத்தோடு போகும்போது குழந்தைங்களுக்காக லோயர் பெர்த் வாங்கிட்டு படனும்பாருங்க பாடு… பரதேசிப்பயலுக நைட்டு பத்து மணி ஆனாலும் லைட்ட அணைச்சிட்டு பெர்த்ல ஏறி படுக்காம கீழேயே உக்காந்துக்கிட்டு நம்ம குழந்தைங்களையும் தூங்க விடாம படுத்துவானுங்க பாருங்க… இன்னும் கொஞ்சம் எருமைமாடுங்க இருக்குது. நாம ஏறவேண்டிய இல்லை… இறங்கவேண்டிய ஸ்டேசன்ல ட்ரெய்ன் வாசல்லயே நின்னுக்கிட்டு வழிவிடாம நமக்கு கெளப்புவானுங்க பாருங்க டென்ஷன்…

# என்னைக்காவது மனசக்கொஞ்சம் ரிலாக்ஸ் பண்ணலாம்னு பீச்சுக்கு போயிட்டோம்… முடிஞ்சோம்! தனியா போனாலும் சரி… குடும்பத்தோட போனாலும் சரி… அங்கங்கே ‘’ஓருடல் ஈருயிரா’’ ஐக்கியமாகியிருக்கவங்களப் பாத்து ‘சனியன்ங்க பப்ளிக்லேயே இப்பிடி இருக்குதுங்களே’ன்னு இன்னும் டென்ஷன் ஆகாம வரவே முடியாதுங்க. பீச்சு மணல்ல ரிலாக்ஸா உக்காரலாம்னு சரியா செக் பண்ணாம உக்காந்தாலோ இல்லை… உக்காந்துருக்கிற மணல்ல கையவிட்டு அள்ளி வெளயாடற வேலையை வச்சிக்கிட்டாலோ… உவ்வேன்னு கொமட்டிக்கிட்டுதான் வரனும். இயற்கை கடன்களை பீச்சுல கழிச்சி அசிங்கம் பண்றதோட மட்டுமில்லாம அதை மணலைப்போட்டு மூடிவச்சிட்டு போற முட்டாப்பயலுக ஏராளம்!

# எல்லாத்தையும் விட இந்த கண்ட கண்ட இடத்துல எச்சி துப்புறதும்… குப்பையைக் கொட்டுறதும்... ஒன்னுக்கு அடிக்கிற வேலையும் இருக்கே… அடேங்கப்பா… சுயவொழுக்கத்துல உலக நாடுகள் எல்லாம் நம்மகிட்ட பிச்சைதாங்க வாங்கனும்!

நான் மேலே சொன்ன விஷயம்லாம் நாம அன்றாடம் சந்திக்கிறதுல சிலது மட்டும்தான். மத்தபடி நம்ம ஆளுங்களோட சுயவொழுக்கம் பத்தி சொல்லனும்னா… மொத்தப்பதிவுலகமும் பத்தாதுன்றதுதான் நெஜம்.

இதை நான் எழுதிட்டதால மட்டும் இந்தியாவுல சுயவொழுக்கம் வந்திரப்போறதில்லதான். இருந்தாலும் இதப்படிக்கிற கொஞ்ச பேராவது இந்தியாவுலயும் நூறு சதவிகிதம் சுயவொழுக்கம் வரனும்னு ஆசைப்படமாட்டாங்களான்னு ஏதோவொரு ஆதங்கம்… அவ்ளோதான்.

8 comments:

  1. rompa nalla pathivu
    valththukkal

    ReplyDelete
  2. நான் கொஞ்சம் சுயவொழுக்கத்தோட இருக்கேன்னு தான் நெனைக்கிறேன், முழுசா திருந்திடுறேன்

    ReplyDelete
  3. Thanks for both of you friends... Keep reading and commenting!

    ReplyDelete
  4. ,இந்த சுயஒழுக்கம் மட்டும் இருந்தால் மட்டும் போதுமா?

    ReplyDelete
  5. I lived outside India for a decade and came back to settle in india a year back. In this one year, I sincerely tried to follow discipline in road, not littering the public places et al. In the past one month I have given up and gone back to the good old SAKKADAI where I came from. Now I litter everywhere, piss publicly without shame, dont follow road discipline, and what not? I have decided that Indians dont deserve to be treated I treated them for a year. Oh let India go to hell, why should I care. :)

    By,
    A mara thamilan.

    ReplyDelete
  6. //தை நான் எழுதிட்டதால மட்டும் இந்தியாவுல சுயவொழுக்கம் வந்திரப்போறதில்லதான். இருந்தாலும் இதப்படிக்கிற கொஞ்ச பேராவது இந்தியாவுலயும் நூறு சதவிகிதம் சுயவொழுக்கம் வரனும்னு ஆசைப்படமாட்டாங்களான்னு ஆதங்கம்//
    very nice

    ReplyDelete
  7. அந்நியன் படத்துல வர்ற 1st-half-அ பார்த்த மாதிரியே இருந்தது

    ReplyDelete