SaiRose...

தேடிச்சோறு நிதந்தின்று
பல சின்னஞ்சிறு கதைகள் பேசி
மனம் வாடித்துன்பமிக உழன்று
பிறர்வாடப் பலச்செயல்கள் செய்து
நரை கூடிக்கிழப்பருவமெய்தி
கொடுங்கூற்றுக்கிரையெனப்பின்மாயும்
பல வேடிக்கை மனிதரைப்போலே
நானும் வீழ்வேனென்று நினைத்தாயோ?.....!


Thursday, April 21, 2011

ஒரு கிராமத்துக் காதல்…

ஒரு கிராமத்துக் காதல்…


ஆசக்கிளி உம்மேல
அத்திப்பூ ஆசை வச்சேன்,
ஆத்தோரம் அய்யனார
வேண்டியே பூச வச்சேன்;

ஏத்தி வச்ச தீபத்தில
எம்மனசு எரியுதடி,
பாத்தி வச்ச தோட்டத்திலும்
உம்முகமே தெரியுதடி;

கருவேலங்காட்டுக்குள்ள என
காத்திருக்கச் சொன்னவளே…
கண்டாங்கி சீல கட்டி
கருவிழியில காதல் வச்சு,
கூந்தலில எம்மனச
கிள்ளியே மல்லி வச்சு,
கான மயிலாட்டம் நீ
கால் பின்ன வருவேன்னு,
கார்மேக அந்தியில
காத்திருந்தேன் என்னவளே;

என்னுசிரு கரையுதடி
எங்கேயோ பறக்குதடி,
ஒன்னக் காணாத எங்கண்ணும்
இமைக்கவே மறுக்குதடி;

கதிரவன் வந்து விட்டான்
ஒன் காலடி இன்னுமில்ல,
காத்திருந்த கண்களுக்கு
இனி என்னடி நானும் சொல்ல?;

ஓராயிரம் காரணம்
ஒனக்குள்ள சொல்லுவே நீ,
ஒன்னக் காணாத கண்ணுக்குள்ள
ஒசரமா வளருதே தீ;

சந்தயடிக் கூட்டத்தில
சமத்துவம் பேசி நிக்கும்
உங்கப்பன் வாய் தொறந்தா
சாதியாடும் சலங்க கட்டி;

ஒன் சாதி இல்ல நான்
ஒன்னோட கிட்ட நிக்க
அதுக்குத்தான் இம்புட்டுநா
இங்கிருக்கேன் ஓரங்கட்டி;

ஒன்னக் காணாத கண்ணும்
உசிரின்றி துடிக்குதடி,
நம்மூரு கம்மா போல
எம்மனசும் காயுதடி;

ஒன்னக் காணாத கண்ணுக்குள்ள
கச்சந்தோப்பு ஓடையடி,
ஒத்தயில நானிருக்கேன்
என் உசுரோட கலந்திடடி….

No comments:

Post a Comment