SaiRose...

தேடிச்சோறு நிதந்தின்று
பல சின்னஞ்சிறு கதைகள் பேசி
மனம் வாடித்துன்பமிக உழன்று
பிறர்வாடப் பலச்செயல்கள் செய்து
நரை கூடிக்கிழப்பருவமெய்தி
கொடுங்கூற்றுக்கிரையெனப்பின்மாயும்
பல வேடிக்கை மனிதரைப்போலே
நானும் வீழ்வேனென்று நினைத்தாயோ?.....!


Sunday, April 10, 2011

மழலை விழுங்கிகள்

மழலை விழுங்கிகள்


மறக்காமலிருக்க வேண்டிய எனது
குழந்தையின் மழலையும்
தங்கத்தினுமுயர்ந்த அதன்
தவழ்நடையும்
அப்பா என்றழைக்கும் அதன்
அமுதமொழியும்
கணநேர மின்னல் போன்ற அதன்
பூஞ்சிரிப்பும்
எழுந்து நிற்க எனை பற்றிக்கொள்ளும் அதன்
பஞ்சு ஸ்பரிசமும்
என் கன்னங்களை எச்சில்செய்யும் அதன்
ரோஜா இதழ்களும்
நவீன ஓவியங்களாய் ரசிக்கத் தோன்றும் அதன்
சின்ன கிறுக்கல்களும்
அம்மா அடித்ததாய் என்னிடம் அளிக்கும் அதன்
செல்லப் புகார்களும்
எதையாவது செய்து கொண்டேயிருக்கும் அதன்
பிஞ்சுக் குறும்புகளும்
ரசிக்கமுடியாமலேயே
கடந்து விடுகின்றன…
இத்தனைநாளாய் என்
நேரம் விழுங்கிக்கொண்டிருந்த
தொலைக்காட்சிபெட்டி, கைப்பேசியுடன்
புதிதாகக் கூட்டு சேர்ந்துகொண்டது
எனது மடிக்கணினியும்!

No comments:

Post a Comment