SaiRose...

தேடிச்சோறு நிதந்தின்று
பல சின்னஞ்சிறு கதைகள் பேசி
மனம் வாடித்துன்பமிக உழன்று
பிறர்வாடப் பலச்செயல்கள் செய்து
நரை கூடிக்கிழப்பருவமெய்தி
கொடுங்கூற்றுக்கிரையெனப்பின்மாயும்
பல வேடிக்கை மனிதரைப்போலே
நானும் வீழ்வேனென்று நினைத்தாயோ?.....!


Friday, March 18, 2011

ஒரு கல்லூரி வாழ்க்கையின் கடைசி நிமிடங்கள்…..


கல்லூரி வாழ்க்கையின் கடைசி நிமிடங்களில்
கண்ணீர்கள்தான் நியதிகளோ?...
மௌனங்கள்தான் பாஷைகளோ?...

இத்தனை நாள் இல்லாத உணர்வு
இப்பொழுதுதான் இதயத்தைப்பிசையும்;
இங்கு நாம் மகிழ்ந்த தினங்கள்
தனிமையில் நம் மனங்களில் அசையும்;
இன்னொரு வருடம் படிக்கச்சொன்னால்
எல்லோரது மனங்களும் இசையும்!;
மனங்களுக்கு நியதியைச்சொன்னால்
புத்திக்கு மட்டுமே புரியும்;

பிரிவினைத்தாங்க நெஞ்சுரமில்லை,
பிரிவுத்துயரமும் நிரந்தரமில்லை;
மாலையில் பிரியும் கதிரவன்
மறுநாள் காலை மலருவான்;
மறைந்து போகும் இரவை எண்ணி
மனதைக்குழப்புதல் நியாயமோ?;
மலருகின்ற பொழுதையெண்ணி
இரவைக்கழித்தலும் இன்பமே!;

இன்றைய நிமிடம் இரவைப்போன்றது,
இதயத்தை அதனால் காலமும் வென்றது;
என்றைய நாளாவது காலை ஆகிடும்,
அன்றைய சந்திப்பில் நினைவுகள் மலர்ந்திடும்…
ஆம்……
நினைக்க மறந்தாலும் மறக்க நினைக்காத
நம் நினைவுகள்
நிச்சயம் ஒருநாள்
மீண்டும் மலர்ந்திடும்……!

3 comments:

  1. Marvelous, I never knew u can write such wonderful lines. Keep up the good work.

    ReplyDelete
  2. I know you can sing, talk & write good tamil!! This is too good!

    ReplyDelete
  3. Wow!! Nicely put!! Unforgettable moments, never again can we experience!!

    ReplyDelete