SaiRose...

தேடிச்சோறு நிதந்தின்று
பல சின்னஞ்சிறு கதைகள் பேசி
மனம் வாடித்துன்பமிக உழன்று
பிறர்வாடப் பலச்செயல்கள் செய்து
நரை கூடிக்கிழப்பருவமெய்தி
கொடுங்கூற்றுக்கிரையெனப்பின்மாயும்
பல வேடிக்கை மனிதரைப்போலே
நானும் வீழ்வேனென்று நினைத்தாயோ?.....!


Tuesday, March 29, 2011

ஒரு காதலி(யி)ன் மரணம்…

ஒரு காதலி(யி)ன் மரணம்…


குளத்துக்கர மேட்டுனில
குடமா நா காத்திருக்கேன்,
என்னுசிர தவிக்கவிட்டு
தனியா நீ போனதெங்கே?....
தங்கமே வந்து சொல்லடி;

அத்தானின்னு ஆயிரம் முற
ஆசயா நீ அழைச்சிருக்கே,
ஆத்தோரம் அஸ்தியிட
எனயிங்கு தனியாளா
தவிக்கவிட்டுப் போனதெங்கே?...
தங்கமே வந்து சொல்லடி;

அப்பங்காரன் அடிச்சாலும்
ஆத்தாக்காரி தடுத்தாலும்
தாமரையா நீயிருந்தா
தண்ணீரா நானிருப்பேன்னு
சத்தியம் செஞ்சித்தந்தியே
சவமா நீ போனதெங்கே?...
தங்கமே வந்து சொல்லடி;

நீயில்லா உலகம்-எனக்கு
நீரில்லா அகிலம்;

ஒனமட்டும் விட்டுப்புட்டு
உசிரோட நானிருந்து
உலகசுகம் பெறுவேன்னு
ஒருநாளும் நெனக்காதே;

கம்மாக்கர ஓரத்துல
கால்கடுக்க நின்னாலும்
காணாத சுகங்கண்டோம்
வாய்வலிக்க கதபேசி;

அங்கயே காத்திருந்து
உசிர் விடுவேன் ஒனக்காக,
ஒனவந்து சேந்திடுவேன்
ஒருநாளில் நெசமாக;

‘’ மரணத்த மரிக்கவெப்போம்
மண்ணுக்குள்ளும் நாம காதலிச்சி…
மக்களெல்லாம் சொல்லுறாக
திரியிறேனாம் நான் புத்தி பேதலிச்சி ‘’…!!!

No comments:

Post a Comment