SaiRose...

தேடிச்சோறு நிதந்தின்று
பல சின்னஞ்சிறு கதைகள் பேசி
மனம் வாடித்துன்பமிக உழன்று
பிறர்வாடப் பலச்செயல்கள் செய்து
நரை கூடிக்கிழப்பருவமெய்தி
கொடுங்கூற்றுக்கிரையெனப்பின்மாயும்
பல வேடிக்கை மனிதரைப்போலே
நானும் வீழ்வேனென்று நினைத்தாயோ?.....!


Monday, March 14, 2011

நான் ரசித்த சில சிறு கவிக்கள்….


ஒவ்வொரு பேருந்திலும் ஒவ்வொரு ரெயில் பயணத்திலும்
ஏமாந்து போகின்றன…. ஜன்னலோர இருக்கைகள்!
குழந்தைகள் அமராமல் பெரியவர்கள் அமரும் போது…!
------------------------------------

கிறுக்கல்கள் இல்லாத சுவர்கள்….
வைத்தது வைத்த படியே கலையாத பொம்மைகள்…
அழகாய் அடுக்கி வைக்கப்பட்ட கிழியாத புத்தகங்கள்…
அழங்கோலமாய் இருக்கிறது குழந்தையில்லாத வீடு!
-----------------------------------------

அம்மா வரும்வரை மரத்தை வெட்டாதீர்…
கூக்குரலிட்டது குஞ்சுக்குருவி…!
------------------------------------------------

புரியாவிட்டாலும் வியந்து போனதாய் காட்டிக்கொள்கிறேன்…
ஒவ்வொரு முறையும்
குழந்தைகள் காதில் சொல்லும் ரகசியத்தை!
-----------------------------------------------------

No comments:

Post a Comment